На многумина крапски рибиловци има се познати течните дипови кој се користат за подобрување на атрактивноста на мамците, а особено бојлите. Со дипување на бојлите се постигнува зајакнување на сигналот и атрактивноста на мамецот со кој се „помага“ на крапот да го најде побрзо.
Атрактивноста на еден мамец зависи од многу фактори но еден од најзначајните е аминокиселинскиот профил, кој крапот го осеќа со својата бочна линија и со ноздрвите. Крапот по природа е суштество кое е радознало и на многу наврати за да се храни мора да ја проба храната која се наоѓа на дното, па со тоа и нашите мамци.
Во понатамошниот текст ќе бидат претставени неколку видови на дипови и народно кажано умакаљки, кој ќе може да го подобрат риболовот.
Крапот го интересираат аминокиселинските профили на храната, па за да се подобри мамецот, основата на еден течен дип може да биде некаков аминокиселински комплекс кој се става во боилите. Во него може да се додадат разни видови на атракти како што се бетаинот, н-бутирична (масна) киселина, разни ароми, џигер во прав, разни месни пудери, зачини, сол, засладувачи, екстракт од зелено устива школка, спирулина итн. Во лето секако може да се користат и природни масла за основа како што се маслото од лосос, масло од пченка, масло од риба. Сите овие масла имаат висока хранлива вредност која за крапот е примамлива а во исто време го подобрува одзивот на нашиот мамец.
Во поладните месеци за база на дипот може да се користат разни алкохоли, како етанол, пропилен гликол, естер итн. Естерот и пропилен гликолот обично на нашиве простори потешко се наога, но етанолот без проблем се наога во секоја аптека. Истиот тој етанол може да се разреди со дестилирана вода во однос 50:50 и да се додадат ароми и атракти кој ќе се измешаат добро.
Постојат и дипови во прав кој прават дебел желатински слој врз мамецот и се задржуваат подолго време. Обично основата на таквите дипови е желатин со скроб во сооднос 50:50, а за артакти се користат веке добро познатите месни пудери, рибини брашна, овошни ароми во прав, бетаин во прав, засладувачи, пармезан :), аминокиселини итн.
Основни рецепти на правење на дипови
Летен дип
- 50 ml рибино масло
- арома по желба (да е месна)
- 20 ml масло од лосос или масло од коноп
Летен дип II
- 50 ml пченкарно масло
- арома по желба (моќе и да се етерични масла)
- 20 ml масло од коноп
Зимски дип
- 50 ml етил алкохол разреден на 50:50 со дестилирана вода
- арома по желба (само да не е на маслена база)
- 20 ml Минамино/Нутримино/Ливер екстракт или слични аминокиселини
Зимски дип верзија 2
- 25 ml Глицерин + 25 ml етил алкохол
- арома по желба (само да не е на маслена база)
- 20 ml Минамино/Нутримино/Ливер екстракт или слични аминокиселини
Зимски Дип Прашкаст
- 20 g рибино брашно или ЛТ94
- 30 g нишесте
- 30 g желатин
- бетаин
- сол 1 кафена лажичка рамна
Летен Дип Прашкаст
- 20 g цимет (може да се користат и разни комбинации на зачини)
- 30 g нишесте
- 30гр желатин
- бетаин
- засладувач
За оние кои не знаат како да се користи прашкастиот дип, дипувањето започнува кога ќе се намести мамецот на влакното и ќе се натопи во водата, потоа таков влажен мамец ќе се протркала во дипот, ќе се остави 3-5 минути да дипот желатира и потоа се зафрлува кон местото кое ни е одбрано.
Се надевам дека со овие неколку дипови и техники ќе ви се подобри успехот и уживањето на вода.
